BAKGRUNN OG FØREMÅL
Kontrollutvalet er eit lovpålagt organ med ei avgjerande rolle i kommunen sin eigenkontroll. Kontrollutvalet er kommunestyret sin reiskap for å sikre innsyn og kontroll med det som skjer i kommunen og i selskap kommunen eig. Kontrollutvalet si hovudoppgåve er å sjå til at kommunen følgjer regelverket og at verksemda er målretta, effektiv og etisk forsvarleg. Kontrollutvalet skal medverke til forbetring og læring, og til at innbyggjarane kan ha tillit til kommunen.
Meir om kontrollutvalet si rolle og oppgåver kan du lese om i Kontrollutvalsboka, 3. utgåve som er Kommunal- og distriktsdepartementet sin rettleiar til kontrollarbeidet.
SELSKAPET
Selskapet er organisert som eit interkommunalt selskap (IKS) etter lov om interkommunale selskap IKS-lova.
Kommunane Fjord, Giske, Haram, Stranda, Sula, Sykkylven og Ålesund er deltakarar og ein skrifteleg selskapsavtale er vedteken i samtlege kommunestyre.
Representantskapet er det øvste styrande organet i selskapet og deltakarane utøver mynde gjennom representantskapet. Kvar deltakar har har minst ein representant.
Selskapet skal ha eit styre med minst tre medlemmer, og vert valgt av representantskapet. Selskapet skal ha ein dagleg leiar som vert tilsett av styret.
Styret for perioden 2024 - 2027
Leiar: Svein Ove Søholt
Nestleiar: Anne Lise Hessen Følsvik
Styremedlem: Gunn H. Wågsholm
Varamedlem 1: Torill Velle
Varamedlem 2: Ranveig Bakken Stavseth
Varamedlem 3: Thor Hansen
Representantskapet
Leiar: Hans Kjetil Knutsen, Ålesund
Nestleiar: Turid Humlen, Sula
SEKRETARIATET
Dei kommunale kontrollutvala skal ha eit sekretariat som er uavhengig i høve både kommuneadministrasjonen og revisjonen. Kommunestyret har plikt til å sørge for at kontrollutvalet har tilfredstillande sekretariatsbistand.
Eit kompetent sekretariat er ein viktig faktor for at kontrollutvalet skal fungere godt og utøve oppgåvene sine på ein tilfredsstillande måte. Vi ynskjer å vere eit påliteleg og framoverlent sekretariat og vi har brei erfaring og kompetanse. Vi ynskjer å vere eit kompetent bestillarorgan for kontrollutvala i saker som gjeld bestilling av forvaltningsrevisjonar og eigarskapskontrollar, samt andre undersøkingar.
Sekretariatet sørgjer for at sakene til kontrollutvalet er forsvarleg utgreidde, og at vedtaka til utvalet vert sette i verk. Kontrollutvalet har ei bestillarrolle og ei påsjå-rolle overfor revisjonen, som i hovudsak rapporterer til kontrollutvalet. Sekretariatet hjelper kontrollutvalet med å utføre denne bestillarrolla. Eit viktig ledd i dette er å utarbeide framlegg til planar for forvaltningsrevisjon og eigarskapskontroll. Vi kan utføre risiko- og vesentlegheitsvurderingane før planarbeidet eller gjer det i saman med revsjonen.
Vi vil vere er ein sentral fagleg ressurs og diskusjonspartnar for utvala, og er det operative leddet som står for dialogen med kommunedirektøren og med revisjonen.
Sekretariatet si kontaktadresse er: post@sksiks.no
Tilsette er:
Dagleg leiar
Solveig A. Kvamme
Telefon 907 41 399
Rådgivar
stillinga er p.t. vakant